Денсаулық сақтау министрі Ақмарал Әлназароваға осы жазда дәрі-дәрмек бағасының көтерілу ықтималдығы туралы сұрақ қойылды, — деп хабарлайды Tengrinews.kz тілшісі.
Министр былтыр дәрі-дәрмектің кейбір түрлері үшін баға 14 пайызға өскенін атап өтті. Биыл дәрі-дәрмек бағасын қосымша реттеудің екінші кезеңі жоспарланған.
«Мен қазір айтып отырған реттеудің екінші кезеңі, бұл — 1 767 атау, биылға жоспарланған. Бірақ бірінші жартыжылдықта бұл орындалмады, себебі талдауға кірістік. Қазір бұл талдау халыққа қолайлы болуы үшін жүргізіліп жатыр. Сондықтан бұл препараттарды бөлдік, бағаның көтерілуі қаншалықты сезілетініне байланысты әзірге кейінге қалдырып, оларды реттеу керек деп есептейміз», — деді Ақмарал Әлназарова үкімет брифингінде.
Одан әрі министр дәрі-дәрмек бағасының көтерілу ықтималдығы туралы екіұшты пікір берді.
«Бұл өте маңызды мәселе екенін түсінгендіктен, оны мұқият талдағанымыз дұрыс. Мен баға көтеріледі немесе көтерілмейді деп толық уәде (бере алмаймын — еск.)… Біз әлі талдауды аяқтаған жоқпыз, сондықтан ең дұрыс шешімді қабылдап, оны жүзеге асыруға тырысамыз деп ойлаймын», — деді Әлназарова.
