Қазақстанда 18 қаңтарда теле-радиоарналар жұмысы уақытша тоқтатылады, — деп хабарлайды Tengrinews.kz тілшісі «Қазтелерадио» баспасөз қызметіне сілтеме жасап.
«18 қаңтарда сағат 03:00-ден 17:00-ге дейін спутник, цифрлық және аналогты эфир желілердің техникалық құралдарында жоспарлы-профилактикалық жұмыстар жүргізіледі. Жұмыс барысында Қазақстанның барлық аумағында теле-радиоарналар жұмысы уақытша тоқтатылады», — делінген хабарламада.
Айта кетейік, мұндай жоспарлы-профилактикалық жұмыстар тоқсан сайын жүргізіледі.
«Тоқсандық жоспарлы-профилактика жұмыстары сервисті ұзақ уақыт өшіруге мүмкіндік береді. Осы кезеңде техникалық құралдарды жаңғырту бойынша қосымша жұмыстар жүргізіледі. Бұл жұмыстар сапалы теле-радио хабарын тарату үшін қажет», — деді «Қазтелерадио» баспасөз қызметі.
