Әлемдік рейтингте 23-орында тұрған Қазақстанның үздік теннисшісі Елена Рыбакина АҚШ-тың Сан-Хосе қаласында өтіп жатқан WTA 500 турнирі стартында әлемнің 12-ракеткасы ресейлік Дарья Касаткинаға есе жіберді, — деп хабарлайды Tengrinews.kz тілшісі Vesti.kz сайтына сілтеме жасап.
Рыбакина бірінші сетті 6:1 есебімен сенімді жеңсе, келесі екеуінде жеңіліс тапты — 2:6, 0:6. Кездесу 1 сағат 43 минутқа созылды.
Теннисшілер өзара үшінші рет кездесіп, текетіресте Касаткина алға шықты – 2:1. Екінші айналымда, яғни 3 тамызда ресейлік теннисші америкалық Тейлор Таунсендпен кездеседі.
Айта кетейік, бұл Рыбакина «Уимблдондағы» жеңісінен кейін қатысқан алғашқы матч болатын.
