2022 жылғы Қаңтар оқиғасы бойынша Қайрат Құдайбергенге қатысты сот үкімі шықты, — деп хабарлайды Massaget.kz тілшісі.
Сот Қайрат Құдайбергенді 8 жылға бас бостандығынан айырды.
Еске салайық, экс-депутат Қайрат Құдайберген Қаңтар оқиғасы бойынша 2022 жылы 22 сәуірде ұсталған болатын.
Прокурорлардың айтуынша, Құдайберген жаппай тәртіпсіздікті ұйымдастырды және оған қатысты деген күдікке ілінген.
Алдын ала тергеу барысында Қайрат Құдайберген Арман Жұмагелдиевпен (Дикий Арман — еск.) «Қазақстан» қонақүйінде адамдарды жинап, Жұмагелдиевтің айналасына бірігуге, оны қолдауға және билікке бірыңғай талап қоюға шақырғаны, сондай-ақ адамдарды 10 адамнан бөліп, оларды топтастырудың айрықша белгісі ретінде қолына ақ түсті таңғыштарды байлауды тапсырғаны анықталған.
