Діни сауаттылықты арттыру мақсатында іс-шаралар ұйымдастырылуда

Мемлекет басшысы Қасым-Жомарт Кемелұлы Тоқаевтың:» Діни сенім бостандығына кепілдік берілген, бірақ жүгенсіздік пен тәртіпсіздікке жол беруге болмайды»- деп айтқандай кейінгі жылдары қоғамдағы мәселелерге байланысты экстремизм мен терроризмге қарсы іс-қимыл жұмыстары мақсатты жұмыс жасап келеді. Осыған орай Ішкі істер министрлігі автокөліктік қызмет көрсету мекемесінің ұйымдастыруымен діни сауаттылықты арттыру мақсатында шара болып өтті. Оған мекеме бастығының орынбасары , полиция подполковнигі Д.Темірғалиев сөз сөйлеп шара мақсатын айтты . Шараға Қылмыстың атқару-жүйесі комитетінің Астана қаласы бойынша ҚАЖ департаментінің теологиялық оңалту жұмысының аға жедел уәкілі,әділет капитаны Жумагужиев Ержан қатысып, дәріс жүргізді. Дәріс барысында деструктивті діни ағымдар мен дәстүрлі діни ұстаным туралы, ата -батамыз ұстанып келе жатқан қазақтың салт дәстүрімен Ханафи мазхабы бойынша намаз оқу үлгілері, дұрысы Қазақстан Республикасы ақпарат және қоғамдық даму министрлігінің Дін істері комитетінің дінтану сараптамасының оң қортындысы берілген кітап оқулықтар туралы және қазіргі интернет желілердегі кейбір жат пікірлерге сенбеу туралы тұшымды түсінік берді. Қызметкер тарапынан бірнеше сұрақтарға жауап берілді.