Қазіргі уақытта сотталғандардың дәстүрлі емес діни ағымдар туралы білімінің төмен деңгейі, сондай-ақ деструктивті топтардың қатарына тартылуы назар аударуды талап ететін негізгі проблемалардың бірі болып табылады.
Осыған байланысты СҚО бойынша ҚАЖД Айыртау ауданының пробация қызметінің қызметкерлері «Жастардың нұрлы жолы» жастар қоғамдық бірлестігімен бірлесіп, радикалды идеологияға иммунитетті қалыптастыруға және пробация қызметінің есебінде тұрған сотталғандардың құқықтық сауаттылығын арттыруға бағытталған семинар-тренинг өткізді. Спикер ретінде тренингке Ақмола облысындағы «Ақниет ақпараттық-насихаттау орталығы» қоғамдық қоры өкілдігінің басшысы Рустам Серікұлы Садуев шақырылды. Іс-шара аяқталғаннан кейін сотталғандармен жеке әңгімелер өткізіліп, олар осы тақырып туралы өз пікірлерімен бөлісті, сондай-ақ қызықтырған сұрақтарға жауап алды.
СҚО бойынша ҚАЖД
Айыртау ауданының №2 ПҚТ
аға инспекторы
әділет майоры
Ж.Жағыпаров
