Танымал әнші Димаш Құдайбергеннің бейнеклипіне түскен бойжеткен модель Ажар Күнболат болып шықты. Өнерпаз арумен түскен фотосын жариялады, деп хабарлайды Stan.kz ақпарат агенттігі.
Еске салайық, бұған дейін Димаш Құдайберген сюжеті бірегей бейнеклип түсірген еді. Онда Димаш пен белгісіз ару қылмыстық ұйымға хакерлік шабуыл жасайды. Алайда қылмыс серкелері жұптың артынан қуып, нәтижесінде бойжеткен қолға түседі. Ең соңында Димаш жолдасын құтқарып алады.
Айта кетейік, бұған дейін әнші бетперде киген арумен суретке түсіп, өзінің Instagram-дағы парақшасына жүктепті. Қазанда жарияланған суреттегі бикештің кім екені тек үш айдан кейін белгілі болды. Димашпен бірге суретке және клипке түскен модель Ажар Күнболат екені анықталды.
