Қазақстандық боксшы Валентина Хальзова Түркияда өткен Әлем біріншілігінде жартылай финалда 70 келіге дейінгі салмақ дәрежесінде өнер көрсетіп, қарсыласынан ұтылып қалды, деп хабарлайды Zakon.kz.
2016 жылғы әлем чемпионы Валентина Хальзова финалға өтетін жекпе-жекте екі раунд бойы жеңіп жатып, бірақ үшіншісінде Мозамбик боксшысы Элена Пангуанға жол берді. Оңтүстік Африка спортшысы соңғы раундта барын салды, тіпті Валентинаны нокдаунға да жіберіп, осылайша жеңіске жетті. Хальзоваға Әлем біріншілігінің «қоласы» бұйырды.
Қазақстан атынан жартылай финалда соңғысы болып өнер көрсететін Дина Жоламан Румыния боксшысы Лакрамиор Перишочпен кешкі сессияда жұдырық түйістіреді.
