spot_img
spot_img

Алматыда реабилитациялық оқу-зерттеу орталығы ашылды

Оңтүстік астанадағы №1 Қалалық клиникалық аурухана жанында Қазақстан мен Кореяның бірлескен тұңғыш реабилитациялық медицина оқу-зерттеу орталығы ашылды. Жоба ҚР Денсаулық сақтау министрлігі, әл-Фараби атындағы Қазақ ҰУ, Кёнбук (KNUH) университеті ауруханасы мен Корей денсаулық сақтау индустриясын дамыту агенттігінің (KHIDI) қолдауымен жүзеге асырылды, деп хабарлайды ҚКА баспасөз қызметі.
Хабарламаға сүйенсек, орталықта Оңтүстік Корея мамандары қазақстандық реабилитолог, кинезотерапевт, эрготерапевт дәрігерлерге арналған онлайн-сабақтар жүргізбек.
«Естеріңізге сала кетсек, Қазақстанда эрготерапевт, кинезотерапевт мамандықтары денсаулық сақтау саласының нормативтік базасына 2021 жылдан бастап енгізілген болатын. Соған байланысты, аталған бағытта мамандар дайындау қажеттігі туындап отыр. Орталықты ашуға қайтарымсыз негізде үлес қосқан кореялық достарымызға алғыс білдіреміз», — деді Smart Health University City ЖШС сенімгерлік басқару компаниясының басқарма төрағасы орынбасары Қайрат Ержанов.
Орталықтың ашылу рәсімі шеңберінде №1 ҚКА базасында корейлік мамандардың қатысуымен алғашқы шеберлік класы өтті. Шетелдік мамандар жергілікті реабилитологтарға және ЛФК нұсқаушыларына балалар мен ересектерді оңалтудың тиімді әдістерін үйретті.
«Реабилитация міндетті әлеуметтік медициналық сақтандыру қаражаты есебінен жүргізіледі. Жалпы, пациент денсаулығын қалпына келтіруге бағытталған ем-дом түрлері сапалы материалдық-техникалық база мен кәсіби мамандарды қажет етеді. Аурухана жанынан ашылып жатқан зерттеу орталығында реабилитацияның заманауи әдіс-тәсілдері қолданысқа енгізіліп, емнің тиімділігі арта түсері хақ», — дейді МСҚ Алматы филиалының директоры Тілеухан Әбілдаев.
Қалалық Денсаулық сақтау басқармасының бас штаттан тыс реабилитологы, №1 аурухананың бөлімше меңгерушісі Әмина Сейданованың айтуынша, орталық халықаралық стандарт бойынша білім беру бағдарламасын әзірлеумен айналыспақ.
«Оңтүстік Кореяның реабилитолог мамандары телемедицина шеңберіне науқастар мен мүмкіндігі шектеулі азаматтарға арнап тұрақты консультациялар, ал дәрігерлер үшін шеберлік кластарын жүргізетін болады», — дейді Әмина Сейданова.
Бір айта кетерлігі, Корей республикасының Денсаулық сақтау және әлеуметтік қамсыздандыру министрлігі шетелдік ауруханаларға арналған мұндай жобаларды ғаламдық денсаулық саласын дамыту мақсатында тұрақты түрде жүргізіп келеді.

Маңғыстауда «Пробациялық бақылау» ЖПШ өтуде

Маңғыстау облысы бойынша ҚАЖ департаментінің пробация қызметкерлері 26-28 қаңтар...

Орал қаласы бойынша пробация қызметінің инспектор-психологы іс-шара өткізді

2023 жылдың 26 ​​қаңтарында Орал қаласы бойынша пробация қызметінің...

Қазақстанда шетелдіктерге арналған «визаран» ресми түрде жойылды

27 қаңтарда Қазақстанда иммигранттардың келу және болу, кетуіне жауап...

6505 әскери бөлімінің 9 жеке атқыштар ротасын жас толықтыруға жауангерлік қару табысталды

ЖЖ-6505 жеке атқыштар ротасының 9 саптық шеру жас толықтартыруларға...