Қылмыстық-атқару жүйесі қызметкері күні қарсаңында Семей қаласының белсенді зейнеткерлері ҚАЖ қызметкерлеріне арнап жүрекжарды бейнеқұттықтау дайындады. Өз сөздерінде олар мамандыққа адалдық, қызметке жауапкершілікпен қарау, ардагерлерге көрсетілетін құрмет пен қолдау, сондай-ақ аға буын қалыптастырған дәстүрлердің сақталуы үшін шынайы алғыс білдірді.
Белсенді ұзақ өмір сүру орталығы бүгінде 500-ден астам зейнеткерді біріктіреді. Мұнда түрлі қызметтер мен сабақтар ұсынылады: емдік дене шынықтыру, скандинавтық жүріс, би, вокал, психологпен жұмыс, еңбек терапиясы және актерлік шеберлік үйірмесі.
Абай облысы бойынша ҚАЖД-інің қауіпсіздігі барынша жоғары мекемесінің қызметкерлері орталыққа келушілерге үнемі назар білдіріп келеді. Олар концерттер, шығармашылық кездесулер, арт-кештер ұйымдастырады, өз қолдарымен жасаған ашықхаттар мен картиналар сыйлайды. Мұндай іс-шаралар қамқорлық пен жан жылулығын сездіреді, буындар арасындағы байланысты нығайтады, ардагерлерге өмірлік және кәсіби тәжірибесімен бөлісуге, ал жас қызметкерлерге — қызметтің құндылықтары мен қағидаттарын үйренуге мүмкіндік береді.
Біздің қамқорымыздағы адамдар үшін бұл жай ғана кездесулер емес, бұл – шынайы көңіл бөлу мен қолдау. ҚАЖ қызметкерлерінің әрбір сапары зейнеткерлерге жағымды эмоциялар, өз қажеттілігін сезіну және олардың еңбек жолы мен өмірлік тәжірибесінің әлі де жоғары бағаланатынына сенімділік сыйлайды, — деді Белсенді ұзақ өмір сүру орталығының меңгерушісі Меруерт Омарова.
Біз үшін аға буын қалыптастырған дәстүрлерді сақтау және дамыту – үлкен құрмет. Ардагерлерді қолдау – бізге қызметке адал болып, міндеттерімізді абыроймен орындауға көмектесетін маңызды рухани бағдар, — деп атап өтті мекеме бастығының орынбасары Айдын Калелов.
Зейнеткерлердің жылы лебіздері әрдайым қылмыстық-атқару жүйесінің негізін құрап келе жатқан құрмет, бірлік және сабақтастықтың белгісіне айналды.
