spot_img
spot_img

Қазақстан санкцияланған тауарларға транзит елдер тізімінде: бұл нені білдіреді?

Қазақстан санкцияланған тауарларды Ресей мен Беларуське жеткізуге болатын елдер тізіміне кірді. Әлемдік экономика және саясат институты (ӘЭСИ) сарапшысы Ерсұлтан Жансейітов Қазақстанға қарсы санкцияларды енгізудің тәуекелдерін бағалады, — деп хабарлайды Tengrinews.kz тілшісі.

28 маусымда АҚШ-тың Қаржылық қылмыспен күресу жүйесі мен Өнеркәсіп және қауіпсіздік бюросы АҚШ Қаржы министрлігі мәліметінше, санкцияланған тауарлар Ресей мен Беларусь аумағына өтуі мүмкін елдер тізімін жариялады. Бұл тізімге Қазақстан, Қырғызстан, Өзбекстан, Тәжікстан, Грузия, Армения, Бразилия, Қытай, Үндістан, Израиль, Мексика, Никарагуа, Сербия, Сингапур, Оңтүстік Африка Республикасы, Тайвань, Түркия және Біріккен Араб Әмірліктері кіреді.

АҚШ билігі мәліметінше, бұл елдер Ресей Федерациясы мен Беларусь Республикасына әскери мақсатта пайдаланылуы мүмкін жабдықты жөнелтуге жүк тиеу пункттері болуы мүмкін: ұшақтардың қосалқы бөлшектері, гидроакустикалық жүйелер, антенналар, спектрфотометрлер, GPS жүйелері, вакуумдық сорғылар, мұнай жабдықтары.

«Қазақстанның Ресеймен және Беларусьпен тығыз экономикалық және көлік-логистикалық байланыстарын, сондай-ақ Қазақстанның ЕАЭО мүшелігін ескере отырып, еліміздің бұл тізімге енуі әбден болжамды болып көрінеді. Елдің бұл тізімде болуы оның реэкспортқа қатысуын әлі көрсетпейді және оған бірден екінші реттік санкциялар енгізуді білдірмейді, дегенмен тізімдегі елдер экспортқа қатысты қаржылық операцияларды неғұрлым мұқият тексеруге жатады», — деп санайды ӘЭСИ сарапшысы.

Тізімге енген елдердің экономикасының көлемі әлемдік ЖІӨ-нің төрттен бір бөлігі, ал географиясы бүкіл жер шарын қамтиды.

«Тіпті Үндістан, Израиль, сондай-ақ халықаралық деңгейде мойындалмаған Тайвань сияқты АҚШ-қа дос мемлекеттер де тізімге енді. Осыған байланысты Қазақстанның бұл тізімге енуі Қазақстанға қарсы санкцияларды қолдану дегенді білдірмейді. Бұл әрекет АҚШ-тың Украинадағы қақтығысқа байланысты Ресей экономикасына қысым көрсету науқаны кеңейіп жатқанын көрсетеді.

Егер Америка Құрама Штаттары осы тізімдегі елдердің үкіметтері Ресейдің санкцияланған технологиялық тауарларға қолжеткізуіне Батыс орнатқан кедергілерді еңсеруге белсенді түрде үлес қосып жатқаны туралы тікелей дәлелдерге ие болса, нақты санкциялар енгізу мүмкін», — деді Ерсұлтан Жансейітов.

2 ақпанға арналған ауа райы болжамы

Республика бойынша тұман, республиканың оңтүстігінде, оңтүстік-шығысында жел күшейеді, елдің оңтүстігінде, оңтүстік-батысында көктайғақ болады.

Азаматтығын ауыстырған балаларға Ұлттық қордан ақша берілмейді

Ұлттық экономика министрі Әлібек Қуантыров балалардың қандай жағдайда Ұлттық қордан қаражат ала алмайтынын айтты.

СУИЦИДКЕ САЯСИ ДЕҢГЕЙДЕ КӨҢІЛ БӨЛІНУ КЕРЕК

Қазіргі таңда әлеуметтік желіде адвокат Сержан Пірәлиевтің мәлімдемесі талқылануда. Оны заңгер 2022 жылдың 19 тамызында Жамбыл облысындағы ҰҚКге қарасты шекара бөлімінде қайтыс болған сарбазға қатысты биыл 20 қаңтарда Адам құқықтарын қорғау бойынша қазақстандық бюрода жасаған болатын.

Жеке тұлғаның банкроттығы: қазақстандықтардың өтінімі қалай тексеріледі?

Қаржы вице-министрі Ержан Біржанов қазақстандық азаматтың банкротқа ұшырағаны қалай тексерілетінін айтты.