Алматы облысы және Жетісу облысы бойынша ҚАЖД қарасты №10 мекемесінде Алматы қаласы Жетісу аудандық №2 сотының Үкімімен 6 жыл 6 айға бас бостандығынан айыру жазасын Өзбекстан азаматшасы өтеуде.
Мекемеге келген уақытында азаматшаның жеке басын растайтын төлқұжаты болмаған. Төлқұжатты рәсімдеу барысында сотталғанның төлқұжатының жарамдылық мерзімі 2009 жылы аяқталғаны анықталды.
№10 мекеменің арнайы есеп бөлімінің қызметкерлері Өзбекстан Республикасының елшілігімен бірлескен жұмыс нәтижесінде жаңа төлқұжат рәсімдеді.
