Қуанышты жаңалықты Ұлттық Сурдлимпиада комитеті мәлімдеді, деп хабарлайды Zakon.kz.
Бразилияның Касиас-ду-Сул қаласында өтіп жатқан Сурдлимпиада ойындарында Қазақстан құрамасының өкілдері алғашқы алтынды жеңіп алды.
Дзюдошы Еркебұлан Қанафин жеңіс тұғырының ең биік сатысына көтерілді. 81 келіге дейінгі салмақтағы финалда қазақстандық спортшы Оңтүстік Корея өкілі Ким Мин Сокты жеңді. Шешуші жекпе-жек алдында Еркебұлан Қанафин франциялық Рафаэль Кубеликтен мықты болды.
Сонымен Қазақстанның қоржынында бүгінде 1 алтын, 2 күміс және 4 қола – барлығы 7 медаль бар.
Алақай! Ақырында Қазақстан биылғы бірінші Олимпиада алтынына ие болды! Бұл әлі бастамасы, – деп жазды Ұлттық Сурдлимпиада комитеті Facebook-тегі парақшасында.
