Премьер-министрдің орынбасары — Қаржы министрі Ерұлан Жамаубаев Қазақстанда сән-салтанат салығы қашан енгізіледі деген сұраққа жауап берді, — деп хабарлайды Tengrinews.kz тілшісі.
«2024 жылдың 1 қаңтарынан бастап Салық кодексіне сән-салтанат салығы енгізіледі. Нұсқаулық әзірленіп жатыр. Оны 2023 жылдың қыркүйегіне дейін пысықтап, содан кейін Мәжіліске ұсынамыз. Заң 2023 жылы қабылданып, 2024 жылдың басынан бастап күшіне енеді», — деді Жамаубаев Мәжіліс отырысында.
Еске салайық, Қасым-Жомарт Тоқаев Қазақстан халқына Жолдауында елде сән-салтанат салығын енгізу мәселесін қарастырудың маңыздылығын айтқан болатын.
