Қазақстанда қоғамдық тамақтану орындары қантпен қамтамасыз етіледі — Үкімет

Ауыл шаруашылығы министрлігінде Сауда және интеграция министрлігі, Нұр-Сұлтан әкімдігі және Қоғамдық тамақтану қауымдастығы өкілдері қатысқан бизнес субъектілерін қантпен қамтамасыз ету мәселесі бойынша кездесу өтті, — деп хабарлайды Tengrinews.kz тілшісі primeminister.kz сайтына сілтеме жасап.

Талқылау қорытындысы бойынша шағын және орта бизнесті қолдау және қоғамдық тамақтану нысандарының индустриялық қант қажеттілігін толық қамтамасыз ету туралы шешім қабылданды.

Қоғамдық тамақтану нысандарына басымдық бере отырып қант жеткізуді ұйымдастыру үшін бүгін, 28 шілдеде, оларға қажетті қант көлемі анықталады. 

Бірінші кезеңде халық саны неғұрлым көп үш аймаққа мың тоннадан аса қант жеткізіледі.

«Ауыл шаруашылығы министрлігі қанттың қосымша көлемін Нұр-Сұлтан, Алматы және Шымкент қалаларына жөнелтеді. Осы қалалардағы шағын бизнес өкілдері қанттың қажетті көлемін ала алады. Сондай-ақ, Қауымдастық басқа қалалар бойынша тізім жасап, қажетті қант көлемін есептейді. Қауымдастық пен әкімдіктер қантты беру алгоритмін әзірлейді», — деді кеңес соңында ауыл шаруашылығы вице-министрі Жеңіс Өсербай.

Еске салайық, бұған дейін Қазақстанда 60 мыңға жуық қоғамдық тамақтану орны қант бағасының өсуіне байланысты банкротқа ұшырауға жақын екені белгілі болды.

Новые увлечения и первые успехи: чему подростки учатся в досуговых центрах Медеуского района

В Алматы работают 100 досуговых центров, которые регулярно посещают...

Бостандық ауданында тоғызқұмалақтан BOSTAN CUP турнирі өтті

18 қараша күні Алматы қаласының Бостандық ауданында ұлттық зияткерлік...

Қазақстанның агроөнеркәсіптік кешені:жетістіктері мен даму мүмкіндіктері

Қазақстан – ауыл шаруашылығы саласын дамытуға зор мүмкіндігі бар...

АБАЙ УНИВЕРСИТЕТІНДЕ ПОЛЯК ОРТАЛЫҒЫ АШЫЛДЫ

Бүгін Абай университетінде Польша тілі мен мәдениеті орталығының салтанатты...