Өткен тәулікте коронавирус инфекциясын жұқтырған 13 жағдай тіркелді. Бұл туралы ҚазАқпарат Қазақстанда коронавирустың таралуына жол бермеу жөніндегі ВАК сілтеме жасап хабарлайды.
Нұр-Сұлтан қаласында — 7, Алматы қаласында — 4, Ақтөбе, Қарағанды облыстарында — 1 адамнан табылды.
Елімізде коронавирус инфекциясын жұқтырғандар саны 1 305 620 жетті.
Сонымен қатар тағы 12 адам коронавирус инфекциясынан жазылып шықты.
Еске салсақ, кеше коронавирус инфекциясын жұқтырған 4 жағдай ғана тіркелген болатын.