Amanat партиясының төрағасы Ерлан Қошанов Қасым-Жомарт Тоқаевты қолдайтын халықтық коалиция құрылатынын мәлімдеді, — деп хабарлайды Tengrinews.kz тілшісі.
«Бүгін біз стратегиялық таңдау жасадық. Тоқаевтың төңірегіне бірігіп, бірлесіп жұмыс істеуіміз керек. Тоқаевты ұсынатын басқа партиялар мен саяси бірлестіктермен бірігіп, Тоқаевты қолдайтын халықтық коалиция құру туралы келісімге келдік», — деді Қошанов.
Ол сондай-ақ бүгін Астанада Қасым-Жомарт Тоқаевтың қатысуымен үлкен форум өтетінін хабарлады.
