Ақтөбе облысы бойынша ҚАЖ департаментіне қарасты №70 мекемесіндегі жазасын өтеуші сотталғандар арасында «Қазақстан Республикасы күнін» мерекелеуге орай ауқымды мәдени-бұқаралық және спорттық іс-шаралар ұйымдастырылып, өткізілді.
Үш күнге созылған іс- шарада мекемедегі жазасын өтеушілер шахмат, тоғыз құмалақ, теннис, футбол секілді спорттық іс- шараларға белсенді түрде қатыстырылып, патриоттық фильмдер тамашалады. Сондай-ақ, сотталғандардың көркемөнерпаздар ұжымымен дайындалған «Менің туған жерім» тақырыбындағы мерекелік концерттік бағдарламасы барысында жазасын өтеушілер патриоттық әндер шырқап, өлеңдер оқыды және қойылымдар қойды.
Іс- шаралар нәтижесінде, белсенді қатысқан жазасын өтеуші сотталғандар мекеме бастығының алғыс хатымен марапатталды.
№70 мекемесінің арнайы контингент арасындағы әлеуметтік- психологиялық және тәрбиелік жұмыстары бөлімінің бастығы әділет капитаны Арман Панабектің айтуынша, жазасын өтеушілер арасында Қазақстан Республикасы күні мерекесін тойлау — сотталғандардың рухани дамуы және психологиялық ахуалына оң әсер етіп, еліне, туған жерлеріне деген сүйіспеншіліктерін оятады.
Гүлфайруз Төремұратова,
Ақтөбе облысы бойынша ҚАЖ департаментінің баспасөз хатшысы
