Қазақстан мен Қырғызстан арасындағы шекара ашылды, деп хабарлайды Stan.kz ақпарат агенттігі “КТК” арнасына сілтеме жасап.
Кейбір өткізу пункттерінде адамдармен қоса жүк көліктерді де кедергісіз өткізе бастаған. Елімізде болған қаңтардағы қақтығыстан кейін көрші елдің билігі өз азаматтарына шығуға тыйым салып шекарасын жапқан болатын.
Қазір Ақ Жол, Чалдыбар, Чоң Қапқа, Кең-Бұлын және Тоқмоқ кеден бекеті барлық адамдарды екі жаққа тосқауылсыз, бірақ Қазақстан тарапы айқындаған шектеулер бойынша өткізуді жүзеге асыра бастады. Қарқыра бекеті арқылы тек көрші елде қалып қойған отандастарымыз ғана өте алады.
Ал ауыр жүк көлігіне Ақ-Тілек, Чалдыбар және Чоң-Қапқа пунктілерін короновирусқа байланысты шектеулерді ескере отырып бөгетсіз кесіп өтуге рұқсат етілген. Өзбекстан «жаңа омикрон штамы пайда болды» деген желеумен осыдан үш күн бұрын Қазақстанмен арадағы шекараны жауып тастаған.
