Кейбір бұқаралық ақпарат құралдарында автоматты камералар жаяу жүргіншілерді жауапкершілікке тартатыны туралы ақпарат тараған еді. ҚР ІІМ ӘПК өкілдері бұл ақпараттың шындыққа сәйкес еместігін мәлімдеді, – деп хабарлайды aqshamnews.kz тілшісі.
ІІМ-нің ерекше тапсырмалар жөніндегі аға инспекторы Ақтоты Боранова мәлімдегендей, автоматты камералар тек көлік жүргізушілерінің жол ережесін бұзуын анықтауға арналған.
«Жүйелер қоғамдық және жол қауіпсіздігін арттыруға, құқық бұзушылықтардың алдын алуға және ауыр зардаптардың тәуекелін төмендетуге бағытталған. Цифрлық шешімдер қауіпті мінез-құлықты дер кезінде анықтауға және азаматтардың өмірі мен денсаулығына төнетін қатердің алдын алуға мүмкіндік береді», – деді ол.
Бұл шаралар қала көшелеріндегі жол қауіпсіздігін күшейтуге және апаттар санын азайтуға бағытталған.
