«Қазгидромет» синоптиктері 31 мамыр мен 1-2 маусымдағы ауа райын болжады, – деп хабарлайды Tengrinews.kz тілшісі.
«Жылудың артынан жаңбыр келеді. Мамырдың соңғы күні Қазақстан аумағының басым бөлігі Сібірдің үстіндегі циклон жырасының ықпалында болады – найзағай ойнап, оңтүстік-шығыста қатты жаңбыр, бұршақ, дауыл болады. Республика бойынша жел күшейеді», – делінген хабарламада.
Алайда метеорологтар 1 маусымда Батыс Қазақстанға Солтүстік антициклон әсер ете бастайтынын, ол республика аумағы арқылы шығыс бағытқа ауыса отырып, жауын-шашынның біртіндеп тоқтауына және температураның көтерілуіне алып кетелітінін айтты.
«1-2 маусымында еліміздің батысында, солтүстік-батысында, солтүстігінде, орталығында түнгі және таңертеңгі сағаттарда топырақ бетінде 2 градусқа дейін үсік жүреді деп болжанады», – дейді синоптиктер.
Қазақстандағы қалалар бойынша ауа райы болжамының картасын мына сілтемеден көруге болады.
