Мемлекет басшысы Қасым-Жомарт Тоқаев Қырғызстанға барған сапарында екі елдің дипломатиялық қатынасы туралы айтты, — деп хабарлайды Tengrinews.kz тілшісі.
«Қырғызстан — біз үшін Құдай қосқан көрші, ең жақын одақтас. Шын мәнінде, біз ауылдарымыз аралас, қойларымыз қоралас жатқан бауырлас халықтармыз. Биыл екі елдің дипломатиялық қатынас орнатқанымызға 30 жыл толып отыр. Осы уақытта ынтымақтастығымыз барынша кеңіді, достығымыз нығая түсті», — деді Қасым-Жомарт Тоқаев.
