1 ақпанда Ақордада өткен сыбайлас жемқорлықпен күрес мәселелеріне арналған кеңесте президент Қасым-Жомарт Тоқаев Алматыда «Сергек» камераларының саны ұлғайтылатынын айтты, деп хабарлайды Stan.kz ақпарат агенттігі.
Мемлекет басшысы қазір көптеген ірі қалаларда орнатылған камералардың оң әсерін тигізіп тұрғанына тоқталған.
«Қаңтар оқиғалары кезінде басбұзарлар қолымен 500 камераны сындырған Алматы қаласы бойынша тапсырма бердім. Оларды қалпына келтіріп ғана қоймай, камералардың санын ұлғайту керек. Әңгіме біздің азаматтардың іс-әрекетіне қандай да бір жалпы мониторинг немесе бақылау орнату жайында емес. Бұл тұрғындардың тікелей қауіпсіздік мәселесі», — деді Тоқаев.