Астана қаласы ҚАЖ Департаментіне қарасты №3 мекемесінің қызметкерлерінің жедел ақпаратына сайкес мекемеге келген сотталғанның жеке заттарын тексеру барысында сөмкесінің ішінде жатқан құжаттарының арасына жасырылған «AppleIPhone» маркалы ұялы телефоны табылып тәркіленді.
2022 жылдың 21 қыркүйекте 20 жастағы азамат қала аумағында орналасқан тіс емханасына шығарылып мекемеге қайта кірмек болған кезде аталған азаматтан ұялы телефон тәркіленді, оның айтуынша ұялы телефонды тіс емханасының жанынан тауып алып, аталған ұялы телефонды мекеме аумағына жеке өзіне қолдану үшін алып кірмек болған.
Көлік құралдарын басқару құқығынан айырылған және масаң күйдегі адамның көлік құралын басқарғаны үшін өтеп жүрген жаза мерзімінің аяқталуына 3 ай уақыт қалған болатын, енді ол жазасының қалған бөлігін жазаның қатаң шарттары бойынша өтейтін болады.
Сотталғандарға мекемелердің ішкі тәртіптеме қағидаларында көзделмеген пайдалануға тыйым салынған заттарды пайдалануы, жазаны өтеудің белгiленген тәртiбiн қаскөйлікпен бұзушылықтар болып табылады. Осы үшін ол тәртіптік жазаға тартылып, қатаң жазаны өтеу жағдайларында ауыстырылатын болады. Бұл жағдайларда оған кездесулер уақытының арасы ұлғайып, телефон арқылы сөйлесу құқығынан айырылады.
№3 мекеме бастығының орынбасары Бағдат Амангалдиевтың айтуы бойынша, жыл басынан бастап, қызметкерлердін мұқияттылығының арқасында мекеме аумағына кіргізуге тыйым салынған заттарды алып кірудін алды алынды. Жыл басынан бастап ұялы телефонның 13 данасы тәркіленді.
