Алматы облысы бойынша ҚАЖ департаментіне қарасты әйелдер колониясы ЛА-155/4 мекемесінде Оңтүстік Африка республикасының бұрыңғы президенті, апартеид кезінде адам құқығы үшін күресте танымал белсенділердің бірі болып , аңызға айналған тұлға — Нельсон Халила Мандела халықаралық күніне орай іс шара өткізілді.
Мекеме клубында жазасын өтеуші әйелдерге Манделаның өмірбаяны таныстырылып, сонымен қатар «Непокоренный» көркем фильмі көрсетілді.
Бүгінгі күннің батыры саналатын ұлы тұлғаның өмірлік жолы іс -шараға қатысқан әрбір әйелдің жүрегін тербеп,терең ой салды. Азаттық жолындағы Манделаның үлгісі көптеген сотталушылар үшін өмірге жаңа көзқараспен қарауға түрткі болды.
Іс шараның соңы Манделаның өмірлік ұстанымына айналған «Еркіндікте болу деген ол тек ғана тұтқыннан босатылу емес, сонымен бірге өзгелердің де еркіндігін құрметтеп , өмірді сыйлау» деген сөзімен аяқталды.
Алматы облысы бойынша ҚАЖД
