Қызылорда облысы аумағында 24-27 маусым аралығында «Шектеу» профилактикалық іс-шарасы өтті.
Шараның басты мақсаты — пробация қызметінің есебінде тұрған қоғамнан оқшаулауға байланысты емес жазаларға сотталғандар тарапынан жасалатын құқық бұзушылықтардың және қылмыстың алдын алу.
Қазіргі таңда Қызылорда қалалық пробация қызметі есебінде 600-ден астам сотталған есепте тұр. Пробация қызметінің қызметкерлері мен учаскелік полиция қызметкерлері 24-27 маусым аралығында пробация қызметінің есебінде барлық сотталғанның мекенжайын тексерді.
Тексеру барысында сот жүктеген міндеттерді орындамай, заң талаптарын бұзған 3 сотталғанға ескерту тәртіптік шарасы қолданылды. 3 сотталғанды бас бостандығынан шектеу жазасынан бас бостандығынан айыру жазасына ауыстыру үшін, іс – құжаттары Қызылорда қалалық №2 сотына жолданды.
Дана Достанова
Қызылорда облысы бойынша ҚАЖД
