Қызылорда қалалық пробация қызметі пробация есебіндегі 18-29 жас аралығындағы 14 сотталғанды облыстық тарихи-өлкетану музейіне алып барды.
Музей қызметкері есептегі азаматтарды жылы шыраймен қарсы алып, оларға музейдің залдары, ондағы экспонаттар туралы кеңнен таныстырды. Сондай-ақ өлке тарихы туралы тың ақпараттар берді. Төл тарихымызбен ұлттық идеологиямызды насихаттайтын рухани – мәдени орталықтың қорында 60 мыңнан астам экспонат сақтаулы. Сотталған азаматтар өлкенің табиғатын, халқымыздың өнері мен тұрмысын, салт дәстүрін және Тәуелсіз Қазақстанның қалыптасу жылдарындағы маңызды оқиғаларды айшықтайтын залдарды аралап, тамашалады.
Халқымыздың рухани асыл қазыналарын жинақтап, өлкенің өткені мен бүгінін жалғап отырған рухани орыннан тамаша әсер алған пробациялық бақылау белгіленген азаматтар пробация қызметкерлеріне алғысын айтты.
Дана Достанова
Қызылорда облысы бойынша ҚАЖД
