Сотталғандардың қайта қылмыс жасауының бірден-бір себебі сотталғандардың жұмыссыздығы. Алатау ауданының әкімі, аудандық прокурор және пробация қызметі бөлімімен бірлесіп пробация қызметінің есебінде тұрған сотталғандарды жұмыспен қамту мақсатында бос жұмыстар жәрмеңкесін ұйымдастырды.
Іс-шара Алатау ауданында орналасқан «Нұркент» шағым ауданындағы алаңда өтті. Іс-шара өткізілетін алаңға шатырлар орнатылып, музыка аппаратурасымен қамтамасыздандырылып, банерлермен безендірілді. Сондай –ақ жәрмеңкеге бұқаралық ақпарат құралдары шақыртылды. Іс-шара кезінде қоғамдық тәртіптің сақталуын қамтамасыз ету мақсатында полиция қызметкерлерінің кезекшілігі белгіленді.
Жәрмеңкеге аудандық құрлыс компаниялары мен қаланы тазарту мекемелерінің өкілдері шақыртылып, олар әр сотталғанмен жеке –дара сұхбат жүргізді. Сұхбат кезінде олардың білім деңгейі, тұрғылықты жері, қай баппен сотталғандығы ескертіліп, оларға жұмыс қарастырылды. Осы іс-шара барысында 87 сотталған жұмыспен қамтамасыз етілуге жолдама алды.