Қызылорда қалалық пробация қызметіндегі пробациялық бақылаудағы Қ. есімді азаматтың жаза мерзімі сот қаулысымен 2 айға ұзартылды. Оған сот үкімімен ҚР ҚК-нің 188-бабы 3-бөлігінің 2 тармағымен 5 жылға бас бостандығыан айыру жазасы тағайындалып, ҚР ҚК-нің 63-бабымен тағайындалған жазаны шартты деп санап, бес жылға пробациялық бақылау белгіленген. Алайда, бұл азамат сот жүктеген міндеттерді орындамай, пробация қызметіне хабарламай тұрғылықты жерін ауыстырып, жаза өтеу талаптарын бұзған.
Пробация қызметінің аға инспекторы әділет майоры Н.Баймурзаев аталған азаматтың іс-құжаттарын жинақтап, Қызылорда қалалық №2 сотына ұсыным жолдаған. Сот қаулысымен пробациялық бақылаудағы азаматтың пробациялық бақылау мерзімі екі айға ұзартылды. Қаулы заңды күшіне енген жоқ.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
