Президент Қасым-Жомарт Тоқаев 1 айдан кейін Ұлттық құрылтайдың алғашқы отырысы өтетінін айтты, — деп хабарлайды Tengrinews.kz тілшісі.
«1 айдан кейін жаңа диалог алаңының алғашқы отырысы — Ұлттық құрылтай өтеді. Құрылтай ел дамуының өзекті мәселелерін талқылау үшін қоғамды жұмылдыруға арналған.
Ол жалпыұлттық диалогтың әмбебап моделіне айналады. Құрылтай құрамына депутаттар, Ассамблея мүшелері, сарапшылар мен құқық қорғаушылар, барлық өңірдің, сондай-ақ, Азаматтық альянстың, қоғамдық кеңестердің, үкіметтік емес ұйымдардың, бизнес-қауымдастықтардың және өндірістік саланың өкілдері кіреді», — деді Тоқаев.