ЕЦ-166/5 мекемесіне «Ақниет» үгіт-ақпараттық өкілдері келді.Бұл қоғамдық қор азаматтық қоғамның күш-жігерін біріктіру және тиімді үйлестіру, діни радикализмге қарсы тұру және алдын алу мақсатында құрылған үкіметтік емес ұйым.
Сотталғандардың діни сауаттылығын және рухани дамуын арттыру, сотталғандар арасында діни экстремизмнің алдын-алу мақсатында Нұр-Сұлтан қаласы бойынша ҚАЖД ЕЦ-166/5 мекемесіне аталған орталықтың теологтары мен психологтарымен кездесу ұйымдастырылды.
Ұйымның миссиясы – діни радикализмнің ықпалына идеологиялық қарсы тұру және радикалды ағымдар мен топтардың жақтаушыларын, зайырлы Қазақстанның толыққанды азаматтары ретінде оңалту арқылы Қазақстандық қоғамның өміріне оң азаматтық үлес қосу.
Кездесу барысында туындаған барлық сұрақтарға жауап берілді, сонымен қатар араб тілінде дұрыс оқу туралы қысқаша түсініктеме берілді.
