Достар, бұл жаңалықты бәріміз күттік!
Ендігі уақытта ЭЦҚ-ны пайдалану үшін компьютеріңізге арнайы бағдарлама орнатудың және ЭЦҚ сақталған флешкаларды өзіңізбен бірге алып жүрудің қажеті болмайды. Жаздың соңына дейін цифрлық даму министрлігі электрондық қолтаңбаның жаңа түрін – бұлтты ЭЦҚ-ны қолданысқа енгізуді жоспарлап отыр.
Қазір бұл бағытта қандай жұмыстардың атқарылып жатқаны туралы министр Асқар Жұмағалиев халыққа есеп беру кездесуінде айтты.
Жаңа ЭЦҚ-ның басты ерекшеліктері: оны қолдану үшін NCALayer қажет емес, ал қолтаңбаның өзі қорғалған серверде сақталады. Сондықтан сіз оны ешқашан жоғалтпайсыз, және оны сізден басқа ешкім пайдалана алмайды.
Сонымен қатар, электрондық қолтаңбаны бейнеидентификациядан өткен соң және пароль енгізу арқылы қолдана аласыз. Ал қызметтерді алу кезінде жүйе сервердегі сіздің ЭЦҚ-ңызды автоматты түрде табады.
Сіз мемлекеттік қызметтерді онлайн алудың трендке айналғанын сездіңіз бе?
@egovhelpkz
