Алматы маңында оқ-дәрі мен «Молотов коктейлі» жасырылған орын табылды, — деп хабарлайды Tengrinews.kz тілшісі Polisia.kz сайтына сілтеме жасап.
«Дархан» ықшамауданының тұрғыны қару-жарақты байқап, бірден дабыл қаққан. Оның айтуынша, туннельден оқ-дәрі салынған пакет тауып алған. Жедел-тергеу тобы оқиға орнын тексеру нәтижесінде гранаталар, 5,45 миллиметр калибрлі оқ-дәрі, 9 миллиметр калибрлі оқ-дәрі, 2,3 калибрлі оқ-дәрі, револьвер, «Молотов коктейлін» тәркіледі.
«Бұл дерек сотқа дейінгі тергеудің бірыңғай тізіліміне ҚР ҚК-нің 287-бабы 2-бөлімі бойынша тіркелді. Оқиғаның мән-жайы жедел іс-шаралар барысында анықталады. Тиісті сараптамалар тағайындалды. Абырой болғанда, өмірге қауіп төндіретін заттар салынған пакетті балалар тауып алмады», — деді Алатау аудандық Полиция басқармасының бастығы Ілияс Өмірсеріков.
