Алматыда көлік айнасын ұрлаған ер адам ұсталды, — деп хабарлайды Polisia.kz.
Ведомство мәліметінше, алғашқы арыз полицияға 15 қаңтарда түскен. Белгісіз біреу қала тұрғынының Mercedes көлігінен бүйір айналарын ұрлап кеткен. Бірнеше күннен кейін тағы үш бірдей хабар түскен.
«Жедел-іздестіру шаралары барысында ұрлық жасаған күдікті ұсталды. Ол Ресей Федерациясының 30 жастағы азаматы болып шықты. Негізінен ол Mercedes көліктерінің бүйір айналарын ұрлаған. Шамасы, оларды сатуды жоспарлаған. Бүгінде оның 3 ұрлық жасағаны дәлелденді. Басқа да қылмыстарға қатысы бар-жоғын анықталып жатыр», — деді Бостандық аудандық Полиция басқармасының бастығы Думан Аухадиев.