Алматы қаласы, Алматы және Жетісу облыстары бойынша ҚАЖД №14 мекемесінде жазасын өтеп жатқан сотталғандар 1 мамыр Бірлік күнін атап өтті.
Қазақстанның барлық этностарының достық және келісім мерекесіне орай және ҚАЖ мекемелеріндегі жағдайды сауықтыру бойынша 2023-2025 жылдарға арналған Жол картасын іске асыру мақсатында мекемеге танымал адамдар шақырылды.
Іс-шараға белгілі кино актер және блогер Рамис Құлахметов және Қонаев қаласының Құрметті азаматы, ҚР күрестен спорт шебері Мәди Сапин қатысты.
Рамис Құлахметов залды көңілді әндерді орындаумен қуантты. Өз кезегінде сотталғандар қонақтарға қызықты сұхбат үшін алғыс айтты.