Алматы облысы және Жетісу облысы бойынша ҚАЖД бастығының орынбасары Руслан Ғабибовтың нұсқауына сәйкес, №12 мекемеде сотталғандардың еңбегін ұйымдастыру бөлімінің қызметкерлері «Алматы облысы бойынша еңбек инспекциясы басқармасы» ММ еңбек инспекторлары Р.Д. Омаровпен, б. р. Джурыновпен және ҚАЖ мекемесінің шағын және орта бизнес өкілдерімен жұмыс кездесуін ұйымдастырды.
Сондай-ақ, іс-шараға №14 және №57 мекеменің СЕҰБ қызметкерлері және «Еңбек-Жауғашты» РМК филиалының еңбек қауіпсіздігі және еңбекті қорғау техникасы бойынша шебері А.Талдыбаева қатысты.
Жұмыс кездесуінде өндірістегі еңбек қауіпсіздігі және еңбекті қорғау нормаларын сақтау мәселелері талқыланды, сондай-ақ стендтер, жұмысшылардың арнайы киімдері, дәрі қобдишалары және басқа да мәселелер бойынша түсініктемелер берілді.
