Алматы облысы және Жетісу облысы бойынша ҚАЖ департаментіне қарасты №10 мекемесінде, Алматы облысы бойынша Дін істер басқармасы бөлімінің басшысы Ерлан Матаевтың «Еркін» өнер академиясы, Жастар қоғамдық бірлестігінің өкілдері — Ілияс Жазира мен Рахат Санатұлының және тренер Кәтіш Даулет Бағашарұлының қолдауымен спорттық іс — шара ұйымдастырылды.
Ұлттық ойын тоғыз құмалақтан, шахмат пен үстел теннисінен, арқан тарту мен 100 метрлік жүгіруден, сондай-ақ нарды ойынынан тұратын достық турнирге барлық жасақтан спортшылар қатысты.
Жарыс 7 кезеңнен құрылып, 2022 жылдың күзгі ойындарының ең мықты жүлдегер ойыншылары анықталды.
Іс — шара соңында қонақтар жеңімпаздарды құттықтап, мақтау қағазымен естелік сыйлықтармен марапаттап, сонымен бірге жазасын өтеп жатқан әйелдерге мықты денсаулық және тезірек отбасыларына қосылуына тілек білдірді.
