Алматы облысы және Жетісу облысы бойынша ҚАЖД қарасты №14 мекемесінде орналасқан Заречный ауылының кәсіптік колледжінде, Қазақ халқының кемеңгер ұлы, ұлт ұстазы, ақын, әдебиет зерттеуші, ғалым, түркітанушы, публицист, педагог, аудармашы, қоғам қайраткері — Ахмет Байтұрсыновтың 150 жылдығына арналған “Көркем ой, көркем тіл, көркем сөз” тақырыбында сотталғандар арасында байқау өтті.
Байқау барысында сотталған-студенттер Ахмет Байтұрсынұлының өмірбаяны мен шығармашылық жолы туралы бейнефильмді көріп, келесі кезеңде ақын шығармаларын мәнерлеп жатқа оқудан сайысқа түсті, сонымен қатар сұрақтарға-жауап беріп, өздерінің біліктіліктерін көрсетті.
Мұндай байқаулардың колледж қабырғасында жиі өткізілуі жоспарлануда.
