Алматы метрополитені қызметкерлері референдумды қолдайды

Қалалық Жалпыұлттық коалиция өкілдері — Бахтияр Камалов пен Досымбек Өтеғалиев — Алматы метрополитенінің қызметкерлерімен кездесу өткізді. Кездесу барысында жаңартылған Конституция жобасының негізгі қағидаларын жан-жақты түсіндіріп, оның мемлекеттің орнықты дамуы мен институционалдық негіздерін нығайтудағы айрықша маңызын атап өтті.
Сондай-ақ алдағы «Әділетті және Прогрессивті Қазақстанның Халықтық Конституциясы үшін» атты республикалық референдумға ерекше назар аударылды. Сөз сөйлегендер ұсынылып отырған конституциялық өзгерістер елдің құқықтық қағидаттарын күшейтуге, қоғам мен мемлекет арасындағы теңгерімді қарым-қатынасты қалыптастыруға, мемлекеттік құрылымдар қызметінің ашықтығын арттыруға және олардың азаматтар алдындағы жауапкершілігін нығайтуға бағытталғанын жеткізді.