Алматы қаласы Жастар саясаты басқармасы қолдауымен, «Human Resources Kazkhstan» жеке мекемесінің ұйымдастыруымен Жетісу ауданының демалыс орталықтары Көлсайға саяхат жасады
2025 жылдың 12 шілдесінде Алматы қаласы Жастар саясаты басқармасының қолдауымен Жетісу ауданының демалыс орталықтарында тәрбиеленіп жүрген балалар үшін Көлсай көліне танымдық экскурсия ұйымдастырылды.
Саяхатқа барлығы 50 бала мен олардың жетекшілері қатысты. Балалар табиғат аясында серуендеп, Көлсай өңірінің көркем табиғатымен, тау мен орман арасындағы ерекше экожүйемен танысты. Сонымен қатар ұйымдастырушылар тарапынан балаларға түскі ас пен жеңіл тағамдар беріліп, қауіпсіз әрі қызықты демалыс ұйымдастырылды.
Мұндай шаралар балалардың табиғатқа деген қызығушылығын арттырып, сергек өмір салтын қалыптастыруға ықпал етеді. Балалар сапардан жақсы көңіл-күймен оралып, ұмытылмас әсер алды.
