Абай облысының қауіпсіздігі аралас мекемесінде «Ашық есік күні» өтті

Бүгін Абай облысындағы қауіпсіздігі аралас мекеме түрлі қылмыс жасағаны үшін жазасын өтеп жатқан сотталғандардың туыстары мен достарына есігін айқара ашты. Сотталғандардың туыстарына алдын ала хабарландыру берілді. Әркім өз туыстарын асыға күтіп, оларға бостандықта болған кезде айта алмаған сөздерін айтуға асықты. Кездесуге барлығы 22 ересек адам келсе, 3 бала келді. Сотталған азаматтар туған-туысын көріп, көңілдері жадыраса, туыстары оларды көріп көздеріне жас алысты.
Мұндай іс-шара тоқсан сайын сотталғандардың қоғамдық пайдалы байланыстарын сақтау, оларда заңға бағынатын мінез-құлықты қалыптастыру және оларды одан әрі табысты әлеуметтендіру мақсатында өткізіледі, сотталғанның болашаққа деген сенімі бар және оның үйге оралуы күтіледі деген сенім бар, демек, оның қоғамның толыққанды мүшесі болу мүмкіндігі бар, — деп атап өтті сотталғандар арасындағы тәрбие және әлеуметтік-психологиялық жұмыс бөлімінің бастығы Асхат Керимханов .