Наурыз мейрамын тойлаудың жаңа тұжырымдамасына сәйкес, 15 наурыз – «Қайырымдылық күні». Бұл күні қызметкерлер 6 жылдан бері үш кішкентай баласын жалғыз өзі тәрбиелеп отырған жалғызбасты әкеге барды.
Отбасының анасы кенже баласы алты айлық кезінде ауыр сырқаттан қайтыс болған. Содан бері бала күтімі әкенің мойнына артылған.
Үлкен қызы жақында тоғыз жасқа толса, екі ағасы биыл жеті және алты жасқа толады. Ал соңғы бес жылдан бері №19 мекеме қызметкерлері бұл отбасына қол ұшын созып келеді.
«Біз олардың анасын алмастырмаймыз, бірақ бұл балаларға жылулық пен қамқорлық көрсету біздің қолымыздан келеді. Біз бұл отбасы туралы бес жыл бұрын білдік және әрбір мереке, мейлі Жаңа жыл, мейлі балалардың туған күні, мейлі бірінші қоңырау болсын, біз сонда болуға тырысамыз. 15 наурыз – қайырымдылық күні-бұл күн бүкіл ел бойынша қайырымдылық, мейірімділік жасауға арналған, сондықтан да, бүгін біз бұл отбасына барудың тағы бір себебін таптық. Балалар әдеттегідей сыйлықтар мен бұйымдарды алып, бізді көріп қуанып, оқудағы жетістіктерімен бөлісті», — дейді кадр саясаты бөлімінің бастығы Дидар Жұмаханова.
«Осы уақыт ішінде мекеме қызметкерлері бізге келіп, ертеңгі күнге деген сенімімді арттыруға көмектесті, материалдық және моральдық жағынан көмектесті. Балаларым оларды көргенде қуанады, әр кездесуді асыға күтеді», – дейді үш баланың әкесі Дулат.
