Абай облысы бойынша ҚАЖД-ның максималды қауіпсіздік мекемесінде сотталғандар арасында шахмат турнирі өтті

Абай облысы бойынша қылмыстық-атқару жүйесінің максималды қауіпсіздік мекемесінде сотталғандар арасында шахмат турнирі ұйымдастырылды. Жарысқа шамамен 20 сотталған қатысты. Іс-шара сотталғандар арасында зияткерлік демалысты дамытуға және оң мінез-құлықты қалыптастыруға бағытталған тәрбие және әлеуметтік-психологиялық жұмыс аясында өткізілді.
Турнирге қатысушылар стратегиялық ойлау қабілетін, сабырлылық пен шешім қабылдаудағы байыптылықты көрсетті. Жарыс қорытындысы бойынша жеңімпаздар анықталып, оларға грамоталар мен ынталандыру сыйлықтары табысталды.
Сонымен қатар турнир барысында сотталғандар тек шахмат дағдыларын сынап қана қоймай, бәсекелестік сипаттағы, бірақ достық атмосферадағы қарым-қатынас орнатуға мүмкіндік алды. Бұл тәртіпті нығайтуға және сындарлы өзара әрекет дағдыларын дамытуға ықпал етеді.
Мұндай іс-шаралар сотталғандардың өзін-өзі бақылау, зейін қою қабілеттерін дамытуға, сондай-ақ бас бостандығынан айыру жағдайында пайдалы бос уақытты қалыптастыруға мүмкіндік береді.
Абай облысы бойынша ҚАЖД-ның сотталғандар арасындағы тәрбие және әлеуметтік-психологиялық жұмыс бөлімінің бастығы Ермек Рахимов атап өткендей, шахмат ойыны сотталғандардың логикалық ойлауын дамытуға, сабыр сақтауға және өз әрекеттерінің салдарын алдын ала болжауға үйретеді.
-Шахмат сотталғандардың логикалық ойлау қабілетін дамытады, сабырлылыққа және өз әрекеттерінің салдарын алдын ала болжауға үйретеді. Мұндай іс-шаралар олардың бос уақытын тиімді ұйымдастырумен қатар, тәрбие жұмысына да ықпал етіп, өз әрекеттеріне жауапкершілікпен қарауға баулиды. Сондай-ақ бұл шаралар сотталғандардың өзін-өзі бақылау, зейін қою қабілеттерін дамытуға және бас бостандығынан айыру жағдайында сындарлы бос уақыт қалыптастыруға мүмкіндік береді, — деді Ермек Рахимов.