Пробация – санаттары заңмен айқындалған адамдардың қылмыстық құқық бұзушылықтар жасауының алдын алу үшін олардың мінез-құлқын түзеуге бағытталған бақылау және әлеуметтік-құқықтық сипаттағы қызмет түрлері мен жеке айқындалатын шаралар жүйесі.
Маңғыстау обысы бойынша Қылмыстық-атқару жүйесі департаменті Ақтау қаласында пробация есебінде барлығы 463 сотталғандар тұр, оның ішінде шартты сынақ мерзіміне сотталғандар саны — 48, жазасы кейінге қалдырылғандар — 27, белгілі бір қызмет атқару құқығынан айырылғандар -36, қоғамдық жұмысқа тарту жазасына сотталғандар — 36, бас бостандығын шектеу жазасына сотталғандар — 316.
Қазақстан Республикасының Тәуелсіздігінің 30 жылдығына байланысты Рақымшылық жасау туралы Заңына сай Ақтау қалалық сотына 190 құжат жолданды. Барлығы қаралып, қанағаттандырылды: 91 сотталғанға қатысты жаза мерзімінен босатылған және 99 сотталғанға қатысты жаза мерзімдері қысқартылды.
7 ай ішінде 137 сотталғандардың тарапынан жаза өтеу тәртібі және шарттарын бұзу, яғни тіркеуге уақытылы келмеу, кешкілік мезгіл мекен-жайларында болмау және қоғамдық орындарында әкімшілік құқық бұзушылық жасау деректері анықталды. Осыған орай Ақтау қалалық сотына пробация бақылау мерзімін ұзарту, айыру және өтелмеген бөлігіне ауыстыру туралы 7 материал жолданып, екі тұлғаға қатысты материал қанағаттандырылды. Олар бас бостандығын шектеу жазасының өтелмеген бөлігіне ауыстырылды.
