Өскемен қаласындағы №24 мекемесінде жазасын өтеп жатқан сотталғандар бүгінде Өскемен қаласындағы қоғамдық автобустарды жөндеуде және оны тексеріп шығару бойынша жұмыс атқарып жатыр.
Бұл жерде 10 нан астам жазасын өтеуші жұмысқа орналастырылып, жұмыспен қамтылған.
«Мекемедегі сотталғандардың басым көпшілігі жұмыспен қамтылған. Айлықтары да жаман емес. Жұмыс берушілер тарапынан да қосымша сыйақы төленеді. Жазасын өтеп жатқан сотталғандардың қоғамда өз орындарын тауып, дұрыс бағытта өмір сүрулерінің бірден бір бастауы — еңбек екені анық, деді сотталғандарды жұмыспен қамту бөлімінің бастығы әділет капитаны Арай Кошербаева.
