Қазақстандық спортшы Данил Васильев 2023 жылғы Универсиадада алтын алды, — деп хабарлайды Tengrinews.kz тілшісі.
Данил Васильев 257,3 ұпаймен қалыпты трамплинде екі шаңғымен секіру бойынша үздік атанды. Ол австриялық екі қарсыласы — Максимилиан Линчерді (екінші раундта Васильевтен озып кетті) және Тимон Паскаль Кахоферді жеңді.
Үздік ондыққа тағы екі қазақстандық — Сергей Ткаченко мен Никита Девяткин кірді.
Еске салайық, 15 қаңтарда Универсиада ойындарында Қазақстан қоржынына алғашқы алтын түскен болатын.
Биатлонда Қазақстан атынан 15 шақырымға жеке жарыста төрт спортшы қатысты: Александр Мухин, Вадим Куралес, Кирилл Бауэр және Бекентай Тұрлыбеков. Бірінші болып Вадим Куралес өтті. Оның нәтижесі — 42 минут 37,4 секунд және ату кезінде бір ғана сырғанау. Осылайша, Қазақстан қоржынына алғашқы алтын түсті.
