Жастар ресустық орталығының ұйымдастыруымен Қызылорда облысы бойынша ҚАЖ департаментінің Қызылорда қалалық пробация қызметі есепте тұрған сотталғандар арасында үстел теннисінен жарыс өткізді. Жарыс Жастар ресустық орталығында өтті.
Аталған спорттық іс-шара мақсаты -әкімшілік және қылмыстық құқық бұзушылықтардың алдын алуға, сондай-ақ сотталғандар арасында салауатты өмір салтын қалыптастыруға, бағытталған.
Қызықты да тартысты өткен спорттық шараның әділ өтуіне Жастар ресустық орталығының мамандары қазылық етті. Жарыс нәтижесімен үстел теннисінен жүлделі орындарға ие болған сотталғандар мақтау қағаздарымен марапатталып, естелік сыйлықтар табысталды.
Сотталғандар арасындағы жарыстан кейін пробация қызметінің қызметкерлері сотталғандар арасында құқық бұзушылықты сақтау мен алдын алуға, жазасын өтеуден босатылған азаматтарды әлеуметтік оңалтуды жүзеге асыруға арналған дәріс оқыды.
Дана Достанова
Қызылорда облысы бойынша ҚАЖД
