Бүгін қасиетті жұма. Аптаның басында басталған қатты аязды күндері аялдамада тұрған жандарды №20 мекеме қызметкерлері керек жерлеріне жылы әрі жайлы жеткізіп қайырымды іс жасады. Сондай ақ, жақсы көңіл – күй сыйлау және осы аязды күндерде назарыңызды жылыту үшін қала тұрғындарын ыстық шәй мен тәтті тоқаштар ұсынды.
Күтпеген жерден көрсетілген көмекке қала тұрғындары шексіз алғыстарын білдірді.
«Бүгінгі жұма күні апта бойы сақылдаған аязда жүрекке жылулық ұялататын игі істерге бастамашы болып, жақсылық жасауға асыққан қызметкерлерге ризашылығым шексіз екендігін жеткізгіміз келеді», — дейді 64 жастағы қала тұрғыны.
Мейірім шуағы аязды жібітіп, мұзды да ерітетін дәлелдеген қызметкерлер: «біз кішіпейілдік пен мейірімділік күнделікті жасалатын кішкентай ғана қайырымды істерден құралатынына сенімдіміз. Ал қиындықта бейжай қалмау әр адамның қолынан келетін іс», — дейді мекеме қызметкері Құралай Иксанова
