Маңғыстау облысы бойынша ҚАЖ департаменті Қарақия аудандық пробация қызметкерлері есепте тұрған М. есімді тұлғаға қатысты бас бостандығын шектеу жазасының өтелмеген бөлігін нақ сол мерзімге бас бостандығынан айыру түріндегі жазаға ауыстыру туралы ұсынысты аудандық сотқа жолдады.
2021 жылы Ақтау қалалық сотының үкімімен М.-ға қатысты ҚР ҚК-нің 188-бабы 3-бөлігінің 2)-тармағымен 2 жыл бас бостандығын шектеу жазасы тағайындалды. ҚР ҚК-нің 44-бабының 2-бөлігіне сай пробациялық бақылау белгіленіп, жергілікті атқарушы органдар айқындайтын орындарда жылына 100 сағат мәжбүрлі еңбекке тарту жазасы қарастырылған. Пробация қызметкерлері сотталғанды есепке алынған күннен бастап бақылауға алды. Уақтылы үйінен тексеріп, профилактикалық бағытта сұхбаттар жүргізді.
Алайда, мекен-жайы бойынша тексеру барысында қызметкерлер М.-ның үйінде болмағанын анықтап, ескерту берілген. Дәл осы жағдай бірнеше рет қайталанып, сотталған ескертілген. Қарақия АПҚ қызметкерлері сотталғанға қатысты құжаттар жинап, сотқа жолдады. Аудандық сотының қаулысымен есепте тұрған М. есімді сотталған уақытша ұстау изоляторына қамауға алынды. Енді ол жазасының өтелмеген мерзімін ҚАЖ мекемесінде өтейтін болады.
