20.10.2022 жылы Петропавлда есепте тұрған, жазасын өтеуден жалтарған және қайталама қылмыстар жасауға бейім сотталғандарды шақыра отырып, көрсеткіштік сот процесі өткізілді.
«Бас бостандығын шектеу» санаты бойынша есепте тұрған сотталған А.-ға қатысты бас бостандығынан айыру түріндегі өтелмеген жаза мерзімін ауыстыру туралы мәселені шешу үшін материал қаралды. Сотталған адаммен жүргізіліп жатқан профилактикалық жұмыстарға қарамастан, жазаны өтеу уақытының қысқа мерзімінде сотталған адам оған сот жүктеген міндеттерді бұзуды жалғастырды, сондай-ақ пробация қызметінің талаптарын орындамады, жазаны өтеу тәртібі мен шарттарын шектеу түрінде бірқатар бұзушылықтарға жол берді.
Осылайша, бас бостандығынан айыру жазасын бас бостандығын шектеу түріндегі жазаның жеңіл түрімен алмастырған соттың сенімін ақтамады. Соның негізінде, сотталған адамға Петропавл қалалық сотының қаулысымен бас бостандығын шектеудің өтелмеген мерзімі орта қауіпсіздік мекемесінде жазасын өтей отырып, бас бостандығынан айыруға екі жыл бір күн мерзімге ауыстырылды. Пробация қызметінде есепте тұрған, жазасын өтеуден жалтарған сотталғандар жазаны ауыстыруға куә болды.
СҚО бойынша ҚАЖД Петропавл қаласы
пробация қызметі бөлімінің инспекторы
әділет лейтенанты
М.Нуралина
